वुहानको प्रयोगशालामा पाइए तीनवटा कोरोना भाइरस !
<p>बेइजिङ। चीनको वुहानस्थित भाइरोलोजी इन्स्टिच्युटको प्रयोगशालामा चमेरामा पाइने भाइरसका तीन सजीव नश्ल पाइएका छन्। तर, संस्थाका प्रमुखको भनाइमा तिनको मेल त्यो भाइरससँग देखिएको छैन, जसले अहिले संसारभर महामारीको रूप लिएको छ।</p>
<p>कोभिड-१९ को शुरुवात वुहानबाट भएको वैज्ञानिकहरूको मान्यता छ। कोरोना भाइरस पहिले चमेरामा आयो, अनि स्तनधारी जनावर हुँदै मानिसमा प्रवेश गर्‍यो।</p>
<p>समाचार एजेन्सी एएफपीका अनुसार वुहान इन्स्टिच्युट अफ भाइरोलोजीका महानिर्देशक यान्यी वाङले चिनियाँ टेलिभिजन सीजीटीएनसँग अमेरिकी राष्‍ट्रपति डोनाल्ड ट्रम्पको दाबी मनगढन्ते भएको बताए।</p>
<p>“अहिले हामीले तीन प्रकारका भाइरस फेला पारेका छौं। तर, तिनीहरू ‘सार्स-कोभ-२’ (कोरोना भाइरस)सँग ७९.८ प्रतिशत मात्र मेल खान्छन्,” यान्यी भन्छन्।</p>
<p>कुनै अनलाइन न्युजपोर्टलमा पढेको समाचारका आधारमा अमेरिकी राष्‍ट्रपति ट्रम्प र विदेश मन्त्री माइक पम्पियोले वुहानको प्रयोगशालाबाटै कोरोना भाइरसको महामारी फैलिएको दाबी गरेको महानिर्देशक यान्यीको भनाइ छ।</p>
<p>समाचार एजेन्सी रोयटर्सका अनुसार वुहानको प्रयोगशालाले भन्दै आएको छ- ‘३० डिसेम्बरमा कुनै अज्ञात भाइरसका केही नमूना आएका थिए। र, तिनको जिनोम (जिनको समूह) निकालेर ११ जनवरीमा विश्‍व स्वास्थ्य संगठनलाई दिइएको थियो।’</p>
<p>महानिर्देशक यान्यीका अनुसार ३० डिसेम्बरभन्दा अगाडि वुहानको प्रयोगशालामा न त कुनै भाइरस संकलित थियो, न त्यसमाथि कुनै शोध नै भइरहेको थियो।</p>
<p>“अरू मानिसलाई जस्तै हामीलाई पनि त्यस्तो कुनै भाइरसको अस्तित्व रहेको जानकारी थिएन,” महानिर्देशक यान्यी भन्छन्, “जब हामीसँग यो भाइरस छँदै थिएन त कसरी लिक हुने कुरा आउँछ ?”</p>
प्रतिक्रिया दिनुहोस्
.jpg)
