.jpg)
इद उल फित्र मनाइँदै, आज देशभर सार्वजनिक बिदा
<p>काठमाडौं। आज इस्लाम धर्मावलम्बीको पर्व इद उल फित्र।</p>
<p>आज सरकारले सार्वजनिक बिदा दिने निर्णय गरेको छ।</p>
<p>नेपाल र दक्षिण एशियाभरबाट १० जेठमा चन्द्रमा नदेखिएका कारण हिजो मनाउने उक्त पर्व आज मनाउन बिदाको दिन परिवर्तनका लागि मुस्लिम आयोगले नेपाल सरकारलाई अनुरोध गरेको थियो।</p>
<p>सोही अनुसार गृह मन्त्रालयले सार्वजनिक सूचना निकालेर आजलाई बिदा कायम गरेको हो।</p>
<p>९ जेठमा बसेको मन्त्रिपरिषद् बैठकले इद उल फित्रको अवसरमा आज सार्वजनिक बिदा दिने निर्णय गरेको हो।</p>
<p>राष्ट्रिय मुस्लिम आयोगले इद उल फित्रका दिन घरमै बसेर नमाज पढ्न आग्रह गरेको छ।</p>
<p>आयोगका अध्यक्ष समिम मियाँ अन्सारीले कोरोना भाइरसको जोखिम बढ्दै गएकाले घरमै बसेर इदको नमाज पढ्न आग्रह गरेका हुन्।</p>
<p>रमजान महीनाको अन्त्यमा मनाइने प्रमुख पर्व इद उल फित्रका दिन मस्जिदमा गई सामूहिक नमाज पढ्ने प्रचलन छ।</p>
<p>रमजानको शुरूको दिन पनि कोरोना भाइरस संक्रमणको जोखिमलाई ख्याल गर्दै इस्लाम धर्मावलम्बीहरूले घरमै बसेर नमाज पढेका थिए।</p>
प्रतिक्रिया दिनुहोस्
.jpg)
