३ चैतमा अष्ट्रेलियाबाट आएका पुरुषमा देखियो कोरोना संक्रमण
<p style="text-align:justify">काठमाडौं। काठमाडौं महानगरपालिका-१६ सोह्रखुट्टे कालधाराका ६९ वर्षीय संक्रमित ३ चैतमा अष्ट्रेलियाबाट दुवई हुँदै फर्किएको खुलेको छ।</p>
<p style="text-align:justify">वडा नम्बर-१६ का वडाध्यक्ष मुकुन्द रिजालले संक्रमित व्यक्ति ३ चैतमा काठमाडौं आएको जानकारी दिए।</p>
<p style="text-align:justify">“उहाँ काठमाडौं पुगेपछि गोरखा र चितवनको घरमा पनि गएर फर्किएको भन्ने छ”, उनले भने, “कन्ट्याक्ट ट्रेसिङबाट थप विवरण आउँला।”</p>
<p style="text-align:justify">संक्रमित व्यक्तिलाई ललितपुरस्थित् पाटन अस्पतालको आइसोलेसनमा भर्ना गरिएको छ।</p>
<p style="text-align:justify">राष्ट्रिय जनस्वास्थ्य प्रयोगशालामा गरिएको नमूना परीक्षणमा उनमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले आज जानकारी दिएको थियो।</p>
.jpg)
