व्यवसायीले खरीद गरेको स्वास्थ्य सामग्री लिन हिमालय एअरलाइन्सको विमान चीनतर्फ
<p>काठमाडौं। अत्यावश्यक स्वास्थ्य सामग्री लिन हिमालय एअरलाइन्सको न्यारोबडी ए-३२० विमान आज बिहान चीनको चाङ्शा उडेको छ।</p>
<p>कोभिड-१९ सँग रोकथाम र उपचारको लागि स्वास्थ्य सामग्री लिन हिमालयको विमान त्रिभुवन अन्तर्राष्‍ट्रिय विमानस्थलबाट चाङ्शा उडेको विमानस्थलका महाप्रबन्धक देवेन्द्र केसीले बताए।।</p>
<p>चीनबाट निजी व्यवसायीले खरीद गरेको स्वास्थ्य सामग्री ल्याउन कार्गो उडान गरेको बताइएको छ ।</p>
<p>नेपालबाट अन्तर्राष्ट्रिय उडान भर्ने निजी लगानीको हिमालय एअरलाइन्सले लकडाउनको बेला चीनका विभिन्न ठाउँबाट यसअघि पनि स्वास्थ्य सामग्री ल्याइरहेको छ।</p>
<p>पछिल्लोपटक चीनको बेइजिङ, ग्वान्जाओ, चाङ्शालगायत गन्तव्यबाट नेपाल एअरलाइन्स र हिमालय एअरलाइन्सले कार्गो चार्टर्ड उडानमार्फत स्वास्थ्य सामग्री ल्याएको थियो। <em>रासस</em></p>
प्रतिक्रिया दिनुहोस्
.jpg)
