जनकपुर अस्पतालबाट एकजना कोरोना संक्रमित झ्याल फोडेर भागे
<p>काठमाडौं। धनुषाको प्रादेशिक अस्पताल जनकपुरधामको आइसोलेसनमा रहेका एकजना कोरोना संक्रमित भागेका छन्।</p>
<p>उनी आज बिहान अस्पतालको झ्याल फोडेर अस्पतालबाट भागेका हुन्।</p>
<p>जिल्ला प्रहरी कार्यालय धनुषाका प्रमुख रमेशकुमार बस्नेतले आज बिहानै आइसोलेसन कक्षमा उपचाररत संक्रमित भागेको बताएका छन्।</p>
<p>उनी सर्लाहीका ४५ वर्षीय पुरुष हुन्। प्रहरी प्रमुख बस्नेतले संक्रमित ती व्यक्ति आइसोलेसनमा राखेदेखि नै पटक-पटक भाग्ने प्रयास गरेको जानकारी दिए। </p>
<p>उनको खोजीका लागि विभिन्न ठाउँमा प्रहरी परिचालन गरिएको छ।</p>
<p>यसअघि पर्साको वीरगञ्जस्थित नारायणी उपक्षेत्रीय अस्पतालबाट दुईजना संक्रमित भागेका थिए। प्रहरीले उनीहरूलाई नियन्त्रणमा लिएर पुनः आइसोलेसनमा राखेको थियो।</p>
प्रतिक्रिया दिनुहोस्
.jpg)
