प्रिमियर लिग क्लबका थप दुईजनामा कोरोना संक्रमण
<p>काठमाडौं। इङ्लिस प्रिमियर लिगका क्लबहरूमा गरिएको पछिल्लो चरणका कोभिड-१९ परीक्षणको क्रममा थप दुईजना संक्रमित फेला परेका छन्।</p>
<p>प्रिमियर लिगमा गत साता मंगलबार, बिहीबार शुक्रबार ९९६ जना खेलाडी तथा क्लबका कर्मचारीमा परिक्षण गरिएको थियो। कोरोना भाइरस परीक्षण पोजिटिभ देखिएका खेलाडी तथा कर्मचारीहरूलाई ‘सेल्फ आइसोलेसन’ मा राखिएको छ।</p>
<p>१९ मेमा प्रिमियर लिगले पहिलो चारणको परिक्षणमा तीन क्लबका ६ जनामा पोजिटिभ देखिएको जनाएको थियो। ६ जनामध्ये वाटफोर्डका एड्रियन मारिएप्पा र बर्नलीका साहायक प्रशिक्षक इयान वोएन थिए।</p>
<p>क्लबहरूले मंगलबारबाट सामाजिक दुरी कायम राखी प्रशिक्षण शुरू गरेका छन्। कोभिड-१९ का कारण प्रिमियर लिग १३ मार्चबाट स्थगित छ। प्रिमियर लिगमा ९२ खेल बाँकी छ।</p>
<p>प्रिमियर लिगका कार्यकारी प्रमुख रिचार्ड मास्टर्सले जुनबाट लिग शुरू हुनेमा आफु विश्वस्त रहेको बताएका छन्। मास्टर्सले जर्मन बुन्डेसलिगा शुरू भएपछि प्रिमियर लिग पनि शुरू गर्न सरकार लचिलो भएको बताएका छन्।</p>
<p>शनिबार स्पेनका प्रधानमन्त्रीले ला लिगा पनि ८ जुनबाट बन्द रंगशालामा पुनः शुरू गर्न 'ग्रिन सिंग्नल दिएका छन्।</p>
प्रतिक्रिया दिनुहोस्
.jpg)
