ग्राण्डी अस्पतालका कोरोना संक्रमित कर्मचारी पाटन अस्पतालको आइसोलेसनमा भर्ना
<p>काठमाडौं। टोखास्थित ग्राण्डी इन्टरनेशनल अस्पतालका कोरोना संक्रमित बिरामीलाई ललितपुरको पाटन अस्पतालको आइसोलेसनमा भर्ना गरिएको छ।</p>
<p>ग्राण्डीमा कार्यरत ३५ वर्षीय कर्मचारीको कोभिड-१९ रिपोर्ट पोजिटिभ पुष्टि भएपछि उनलाई पाटन अस्पताल लगिएको हो।</p>
<p>ग्राण्डी इन्टरनेशनल अस्पताल पनि आफ्ना कर्मचारीलाई पाटनमा भर्ना गरिएको र उनको सम्पर्कमा आएका सम्पूर्ण व्यक्तिहरुको 'ट्रेसिङ' गरेर आइसोलेसनमा राखिएको जनाएको छ।</p>
<p>उनीहरूको स्वाबको नमूना संकलन गरेर परीक्षणका लागि राष्ट्रिय जनस्वास्थ्य प्रयोगशाला टेकु पठाइएको ग्राण्डी अस्पतालका मेडिकल डाइरेक्टर डा. चक्रराज पाण्डेले <em>देखापढी</em>लाई बताए।</p>
<p>सरकारको निर्देशिका अनुसार अस्पतालले आवश्यक सुरक्षा सतर्कता अपनाएको उनले जानकारी दिए।</p>
प्रतिक्रिया दिनुहोस्
.jpg)
