प्रहरी वृत्त स्वयम्भूका असईको गोली लागेर मृत्यु
<p>काठमाडौं। महानगरीय प्रहरी वृत्त स्वयम्भूमा कार्यरत् एक प्रहरी सहायक निरीक्षक (असई) को गोली लागेर मृत्यु भएको छ।</p>
<p>जुनियर अधिकृत ब्यारेकमा असई विष्णुबहादुर कार्की गोली लागेर मृत्यु भएको अवस्थामा भेटिएका छन्।</p>
<p>महानगरीय प्रहरी परिसर काठमाडौंका प्रमुख एसएसपी श्याम ज्ञवालीले असई गोली लागेर मृत अवस्थामा भेटिएको पुष्टि गरे।</p>
<p>“ड्युटीमा भएकै बेला गोली लागेर मृत भएको अवस्थामा भेटिएको हो”, उनले भने, “घटना के कसरी भयो भन्ने बारे अनुसन्धान भइरहेको छ।”</p>
<p>मृतकको साथमा हतियारसमेत भेटिएको छ। त्यसतर्फ एक टोली खटिएको छ।</p>
प्रतिक्रिया दिनुहोस्
.jpg)
