डिल्लीबजार कारागारमा कैदीबन्दीहरूबीच झडप
<p>काठमाडौं। डिल्लीबजार कारागारमा कैदीबन्दीहरूबीच आज बिहान झडप भएको छ।</p>
<p>चौकीदार परिवर्तनको विषयमा विवाद बढेपछि कैदीबन्दीहरुबीच झडप भएको स्रोतले बताएको छ।</p>
<p>महानगरीय प्रहरी परिसर काठमाडौंका प्रवक्ता डीएसपी राजकुमार केसीले कैदीबन्दीहरूबीच बिहान झडप भएको जानकारी दिए।</p>
<p>“उनीहरूबीच आपसी केही विवादमा झडप भएको जानकारी आएको छ”, उनले भने, “अहिले त्यसतर्फ थप प्रहरी टोली परिचालन भएको छ।”</p>
<p>उनले घटनाबारे अनुसन्धान भइरहेको जानकारी दिए। कारागार स्रोतका अनुसार लकडाउनका कारणले कारागारमा रहेका कैदीबन्दीहरू समस्यामा परेपछि विवाद बढेको हो।</p>
<p>कैदीबन्दीहरुबीच झडप भएपछि महानगरीय प्रहरी परिसर लगायतका ठाउँबाट प्रहरी परिचालन गरिएको छ।</p>
प्रतिक्रिया दिनुहोस्
.jpg)
