कालिमाटीका संक्रमित प्रहरी बस्ने क्षेत्र नयाँबानेश्वरका तीन घर 'सिल'
<p>काठमाडौं। कालिमाटीमा कार्यरत प्रहरीमा कोरोना संक्रमण पुष्टि भएपछि उनीहरूको निवासस्थल काठमाडौँ महानगरपालिका-१० नयाँबानेश्वरका तीन घर 'सिल' गरिएको छ।</p>
<p>प्रहरीको निवास नयाँबानेश्वरस्थित भरोसा अस्पताल पछाडि रहेकाले त्यस क्षेत्रका तीन घर सिल गरी ट्रेसिङ भइरहेको वडा सदस्य नरोज अर्यालले जानकारी दिए।</p>
<p>केही दिनअघि महानगरीय प्रहरी वृत्त कालिमाटीमा कार्यरत् दुई प्रहरीमा कोभिड-१९ पुष्‍टि भएको थियो।</p>
<p>संक्रमितको सम्पर्कमा आएका व्यक्तिहरूको कोभिड-१९ परीक्षणका लागि स्वाब संकलन गरिसकिएको छ।</p>
<p>वडाले अत्यावश्यक सेवाका ढल, खानेपानीलगायत समस्या समाधानलाई निरन्तरता दिएको वडा कार्यालयले जनाएको छ। <em>रासस</em></p>
प्रतिक्रिया दिनुहोस्
.jpg)
