धनकुटा अस्पतालको सेवा शुरू, संक्रमित स्वास्थ्यकर्मीहरूले उपचार गरेका बिरामीको खोजी हुँदै
<p>काठमाडौं। धनकुटा अस्पतालका स्वास्थ्यकर्मीहरूमा कोरोना भाइरस संक्रमण पाइएपछि सम्भावित संक्रमितहरूको खोजीका दोस्रो चरणको 'कन्ट्याक्ट ट्रेसिङ' को काम थालिएको छ।</p>
<p>त्यस्तै संक्रमणको सम्भावित जोखिमलाई ध्यान दिँदै बन्द 'सिल' गरिएको जिल्ला अस्पतालको सेवालाई निरन्तरता दिइएको अस्पतालका मेडिकल सुपरिटेण्डेन्ट डा. पुजन विश्‍वकर्माले बताए।</p>
<p>संक्रमित स्वास्थ्यकर्मीहरूबाट प्रत्यक्ष उपचार तथा परामर्श लिएका अस्पतालमा आएका बिरामीहरूको खोजपड्ताल शुरू गरिएको धनकुटा नगरपालिका स्वास्थ्य शाखाका संयोजक भोजराज भण्डारीले जानकारी दिए।</p>
<p>"पहिलो चरणमा हामीले अस्पतालका चिकित्सक, स्वास्थ्यकर्मी र नजिकमा सम्पर्कमा रहेकाहरूको नमूना परीक्षण गर्‍यौं। अब अस्पताल आएका सेवाग्राहीको वडावडामा खोजी गर्न टोली परिचालन गरेका छौं", भण्डारीले भने।</p>
<p>१५ वैशाखपछि अस्पतालमा सेवा लिन गएका बिरामीहरूले सम्बन्धित वडा कार्यालयमा सम्पर्क गरेर 'कन्ट्याक्ट ट्रेसिङ' मा सहयोग पुर्‍याइदिन आग्रह गरिएको छ।</p>
<p>धनकुटामा शुरूमा ४ जेठमा जिल्ला अस्पतालमा कार्यरत् ३४ वर्षीया स्टाफ नर्सलाई कोभिड-१९ पुष्‍टी भएको थियो।</p>
<p>त्यसपछि अस्पतालका चिकित्सक, अन्य स्वास्थ्यकर्मीलगायत नजिकका सम्पर्कमा आएका ८३ जनाको थ्रोट स्वाब नमूना परीक्षण गर्दा थप पाँचजनामा संक्रमण पाइएको छ।</p>
<p>तीमध्ये तीन स्वास्थ्यकर्मी (अर्की एकजना स्टाफ नर्स र दुईजना हेल्थ असिष्‍टेन्‍ट) छन्।</p>
प्रतिक्रिया दिनुहोस्
.jpg)
