दुई किलो चिनीभित्र ९ लाख रूपैयाँ, एक भारतीय पक्राउ
<p>सप्तरी। सप्तरीको हनुमाननगर कङ्कालिनी नगरपालिका-१४, कोशी बलारबाट स्राेत नखुलेकाे ९ लाख नेपाली रूपैयाँसहित आज साँझ एकजना भारतीय नागरिकलाई प्रहरीले पक्राउ गरेको छ।</p>
<p>पक्राउ पर्नेमा भारतको सुपौल जिल्ला बथनाह गाउँ पञ्चायत वडा नं १७ बस्ने २८ वर्षीय फूलकुमार मेहता रहेको प्रहरी नायव उपरीक्षक तीलक भारतीले जानकारी दिए।</p>
<p>उनका अनुसार लकडाउनकाे उल्लंघन गर्दै भारतबाट नेपालतर्फ लुकीछिपी आउँदै गरेका मेहतालाई नेपालीरूपैयाँसहित पक्राउ गरिएको हाे।</p>
<p>शंका लागेर उनले बाेकेकाे हातमा झुण्ड्याउने नाइलनकाे झाेला जाँच गर्दा चिनीमा लुकाइ राखिएकाे अवस्थामा नेपाली रूपैयाँ फेला परेकाे हाे। प्रहरीका अनुसार मेहताले २ किलाे चिनी ल्याएकाे झाेलाभित्र साे रकम लुकाएर राखेका थिए। </p>
<p>उनीमाथि थप अनुसन्धान भइरहेकाे प्रहरीकाे भनाइ छ। <em>रासस</em></p>
प्रतिक्रिया दिनुहोस्
.jpg)
