इद उल फित्रका दिन घरमै बसेर नमाज पढ्न मुस्लिम आयोगको आग्रह
<p>काठमाडौं। राष्ट्रिय मुस्लिम आयोगले इद उल फित्रका दिन घरमै बसेर नमाज पढ्न आग्रह गरेको छ।</p>
<p>आयोगका अध्यक्ष समिम मियाँ अन्सारीले कोरोना भाइरसको जोखिम बढ्दै गएकाले घरमै बसेर इदको नमाज पढ्न आग्रह गरेका हुन्।</p>
<p>रमजान महीनाको अन्त्यमा मनाइने प्रमुख पर्व ईदु उल फित्रका दिन मस्जिदमा गई सामूहिक नमाज पढ्ने प्रचलन छ।</p>
<p>रमजानको शुरूको दिन पनि कोरोना भाइरस संक्रमणको जोखिमलाई ख्याल गर्दै इस्लाम धर्मावलम्बीहरूले घरमै बसेर नमाज पढेका थिए।</p>
<p>अन्सारीले ईदको नमाज पढेपछि छरछिमेकमा पुगी एकअर्कामा शुभकामना आदानप्रदान नगर्नसमेत आग्रह गरेका छन्।</p>
<p>उनका अनुसार देशको कुनै पनि ठाउँबाट आज चन्द्रमा देखिए भोलि, ११ जेठमा इदु उल फित्र मनाउने नभए १२ जेठमा मात्रै इदु उल फित्रको नमाज पढिनेछ।</p>
<p> </p>
प्रतिक्रिया दिनुहोस्
.jpg)
