सुदूरपश्चिममा फेरि थपिए चारजना कोरोना संक्रमित, कूल संख्या १४ पुग्यो
<p>कैलाली। सुदूरपश्चिम प्रदेशमा थप चारजना कोरोना संक्रमित थपिएका छन्।</p>
<p>हिजो, ९ जेठमा मात्रै पाँचजनामा कोरोना पुष्टि भएकोमा आज थप चारजनामा कोरोना संक्रमित पुष्टि भएको सेती प्रादेशिक अस्पतालका सूचना अधिकारी दिलिप श्रेष्ठले बताए।</p>
<p>आज थपिएका चारैजना संक्रमित भारतबाट आएका हुन्। उनीहरूलाई सीमामा गरिएको आरडीटी परीक्षणमा पोजिटिभ देखिएपछि सेती प्रादेशिक अस्पतालको आइसोलेसनमा राखिएको थियो।</p>
<p>कोरोना संक्रमित पुष्टि भएकाहरू सबै बैतडीको एउटै गाउँपालिकाका हुन्।संक्रमितहरू बैतडीको शिवनाथ गाउँपालिका-१ का २७ र २० वर्षीय तथा वडा नम्बर २ का २२ र ३० वर्षीय युवक हुन्।</p>
<p>हिजाे मात्रै कैलालीको जानकी गाउँपालिकाको सरस्वती माविको क्वारेन्टाइनमा रहेका १९, २३ र २६ वर्षीय युवक, डडेल्धुराको परशुराम नगरपालिका-१० का २८ वर्षीय युवक र जिल्ला प्रहरी कार्यालय बैतडीको थुनुवा कक्षमा रहेका शिवनाथ गाउँपालिकाका २२ वर्षीय युवकमा कोरोना पुष्टि भएको थियो।</p>
<p>उनीहरूको टीकापुर, डडेल्धुरा र बैतडी अस्पतालमा उपचार भइरहेको छ।</p>
<p>सुदूरपश्चिममा योसँगै संक्रमितको संख्या १४ पुगेको छ। सुदूरपश्चिम प्रदेशमा गत १४ चैतमा दुबईबाट आएका पहिलो कोरोना संक्रमित फेला परेका थिए।</p>
<p>धनगढी उपमहानगरपालिका-५ का ३४ वर्षीय पुरुषमा कोरोना पुष्टि भएको थियो। त्यसपछि २२ चैतमा थप तीनजनामा कोरोना संक्रमण पुष्टि भएको थियो।</p>
<p>कोरोना संक्रमण पुष्टि हुनेमा धनगढी उपमहानगरपालिका-५ की ३४ वर्षीय महिला, कैलाली लम्कीका २१ वर्षीय युवक र कञ्चनपुरको वेदकोट नगरपालिकाका ४१ वर्षीय युवकमा कोरोना पुष्टि भएको थियो।</p>
<p>त्यस्तै १ वैशाखमा लम्की चुहा नगरपालिका वडा नम्बर १ की ५२ वर्षीय महिलामा पनि कोरोना पुष्टि भएको थियो।</p>
<p>पहिलो संक्रमित ३ वैशाख, दोश्रो २६ वैशाख, तेश्रो ७ वैशाख, चौथो १० वैशाख र पाचौं ११ वैशाखमा कोरोनामुक्त हुँदै अस्पतालबाट डिस्चार्ज भएका थिए।</p>
प्रतिक्रिया दिनुहोस्
.jpg)
