माटाेकाे ढिस्कोले पुरिँदा कैलालीमा एकजनाको मृत्यु
<p>कैलाली। माटोको ढिस्कोले पुरिएर कैलालीमा एकजनाको मृत्यु भएको छ।</p>
<p>बर्दगोरीया गाउँपालिका-३, बुटकौवाकी ३६ वर्षीया डम्मरा खत्रीको माटो खन्ने क्रममा ढिस्कोले पुरिएर मृत्यु भएको प्रहरीले जनाएको छ।</p>
<p>आज बिहान घर पोत्नका लागि माटो खन्ने क्रममा खसेको ढिस्कोले पुरिएर खत्रीको घटनास्थलमै मृत्यु भएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्षकुमार बस्नेतले जानकारी दिए।</p>
<p>उनका अनुसार माटोको ढिस्कोले पुरिएर १९ वर्षीया कल्पना खड्का र ९ वर्षीय सुनील ढुंगाना घाइते भएका छन्।</p>
<p>घाइते दुवैजनाको घोडाघोडी अस्पताल सुखडमा उपचार भइरहेको प्रहरीले जनाएकाे छ।</p>
प्रतिक्रिया दिनुहोस्
.jpg)
