सुर्खेतका तीनजनामा कोरोना संक्रमण, कर्णालीमा संक्रमित ४ पुगे
<p>काठमाडौं। सुर्खेतमा आज एकैपटक तीनजनामा कोरोना भाइरस संक्रमण देखिएको छ।</p>
<p>योसँगै कर्णाली प्रदेशमा संक्रमितको संख्या ४ पुगेको छ। यसअघि दैलेखका एक पुरुषमा संक्रमण देखिएको थियो। </p>
<p>सुर्खेतस्थित् प्रयोगशालामा ९ जेठमा गरिएको आरटीपीसीर परीक्षणमा तीजनामा संक्रमण देखिएपछि पुनः परीक्षणका लागि स्वाब नेपालगञ्ज पठाइएको थियो। </p>
<p>भेरी अस्पताल नेपालगञ्जको प्रयोगशालामा गरिएको ‘रिकन्फर्म टेस्ट’मा तीनै जनाको पोजिटिभ रिपोर्ट आएको कर्णाली प्रादेशिक अस्पतालका मेडिकल सुपरिटेन्डेण्ट डा. डम्बर खड्काले <em><strong>देखापढी</strong></em>लाई बताए।</p>
<p>यसमा २२ वर्षीया एक महिला र २५ तथा ३२ वर्षीय दुई पुरुष छन्। संक्रमित तीनैजना सुर्खेतका हुन् भने उनीहरू ८ जेठमा भारतबाट फर्किएका थिए। संक्रमितमध्ये दुई जना बराहताल गाउँपालिका र एकजना चौकुने गाउँपालिकाका हुन्। </p>
<p>संक्रमितको स्वास्थ्य अवस्था सामान्य रहेको र उनीहरूको प्रदेश अस्पताल, कालागाउँ सुर्खेतमा उपचार भइरहेको चिकित्सकहरूले बताएका छन्। </p>
<p>योसँगै नेपालमा संक्रमितको संख्या ५५१ पुगेको छ। यसमध्ये ७० जना कोरोनामुक्त भएका छन् भने तीन जनाले ज्यान गुमाएका छन्। </p>
प्रतिक्रिया दिनुहोस्
.jpg)
