दुर्घटनामा घाइते भएपछि राजधानी अस्पतालमा उपचार गराइरहेका छन् सर्लाहीका संक्रमित
<p>काठमाडौं। सर्लाहीको कबिलासी नगरपालिकाका संक्रमित सवारी दुर्घटनामा घाइते भएर उपचारका लागि काठमाडौं आएका थिए।</p>
<p>उनको बल्खुस्थित राजधानी अस्पतालमा उपचार भइरहेको छ। उनी दुर्घटना घाइते भएकाले सर्लाहीबाट एम्बुलेन्समा काठमाडौं आएका थिए।</p>
<p>महानगरीय प्रहरी परिसर काठमाडौंका प्रमुख एसएसपी श्याम ज्ञवालीले दुर्घटनामा घाइते भएपछि राजधानी अस्पतलामा उपचार भइरहेको देखिएको बताए। </p>
<p>अस्पताल प्रशासनले उपचाररत बिरामीमा कोरानाको संक्रमण देखिएको मौखिक जानकारी आए पनि औपचारिक पत्र नआइसकेको जनाएको छ।</p>
<p>मौखिक जानकारी आएपछि अस्पताल प्रशासनले सुरक्षा सतर्कता अपनाएको छ। अस्पतालमा उपचार गर्न तराईको जिल्लाबाट आएपछि उनको नमूना परीक्षणका लागि पठाइएको थियो।</p>
<p>आज बिहान आएको परीक्षण रिपोर्टमा उनलाई कोरोना संक्रमण पुष्टि भएको थियो। उनी भारतबाटै सर्लाही आइपुगेका थिए।</p>
प्रतिक्रिया दिनुहोस्
.jpg)
