अमेरिकाले परीक्षण गर्यो मध्यरातमा जहाज खसाउन सक्ने ‘लेजर विपन’
<p>हङकङ। अमेरिकी जलसेनाको एक युद्धपोतबाट मध्यरातमा पनि जहाज खसाउन सकिने ‘लेजर विपन’को परीक्षण गरिएको छ।</p>
<p>अमेरिकी सेनाको प्यासिफिक फ्लिटले सार्वजनिक गरेको भिडिओमा युद्धपोतबाट लेजर विपनको प्रहारमार्फत आकाशमा उडिरहेको कुनै वस्तु ध्वस्त भएको देखिन्छ।</p>
<p>ड्रोन, जहाजलगायतबाट मध्यरातमा हुन सक्ने आक्रमणबाट बच्‍न उक्त प्रविधि विकास गरिएको अमेरिकी सेनाको भनाइ छ।</p>
<p>उक्त परीक्षणको स्थान अमेरिकी जलसेनाले स्पष्ट खुलाएको छैन। प्रशान्त महासागरमा १६ मेमा परीक्षण गरिएको मात्र बताएको छ।</p>
प्रतिक्रिया दिनुहोस्
.jpg)
