बैतडीमा तीन हजार शय्याको क्वारेन्टाइन बनाइने
<p>बैतडी। भारतमा रहेका जिल्लाका नागरिकहरू फर्किन इच्छुक रहेकाले आइसोलेसन र क्‍वारेन्टिनको संख्या थपिने भएको छ।</p>
<p>भारतमा रहेका जिल्लावासीको पालिकास्तरीय तथ्यांक संकलन गरिने प्रमुख जिल्ला अधिकारी आनन्द पौडेलले जानकारी दिए।</p>
<p>जिल्लामा हाल एक हजार नौ सय पाँच शय्याका क्‍वारेन्टाइन र ३२ आइसोलेसन कक्ष छन्। एक स्थानीय तहमा कम्तीमा पाँच शय्याको आइसोलेसन र जिल्लाभरी कम्तीमा क्‍वारेन्टाइन संख्या तीन हजार पुर्‍याइने भएको छ।</p>
<p>कोरोना रोकथाम तथा नियन्त्रणका लागि संघीय सरकारले खटाएका तीन चिकित्सकको समयावधि सकिएर फर्किसकेकाले अन्य चिकित्सक पठाइदिन अनुरोध गरिएको उनले बताए।</p>
<p>हाल देखिएका कोरोना संक्रमितलाई सीसीक्यामेराको प्रत्यक्ष निगरानीमा राखिएको छ। शिवनाथ गाउँपालिका-२ का २२ वर्षीय ती युवकलाई हिजो कोभिड-१९ पोजिटिभ पुष्टि भएको थियो। कर्तव्य ज्यान मुद्दामा पक्राउ परेका उनी प्रहरी कार्यालयको हिरासतमा थिए।</p>
<p>जिल्ला अस्पताल बैतडीको आइसोलेसन कक्षमा हाल तीनजना भर्ना भएका छन्। संत्रलमित युवक, उनकी १९ वर्षीया बहिनी र दोगडाकेदार गाउँपालिका-१ का २५ वर्षीय युवकलाई आइसोलेसनमा भर्ना गरिएको हो। </p>
<p>यस्तै, बाजुराको त्रिवेणी नगरपालिकाले थप ६ सय शय्याको क्‍वारेन्टाइन बनाउने भएको छ। यसअघि तीन सय शय्याको क्‍वारेन्टाइन रहेकामा थप तीन सय शय्या निर्माण गर्न लागिएको हो। </p>
<p>भारतले नाका खुकुलो बनाउन थालेपछि नगरपालिकाले भारत र नेपालकै विभिन्न शहरबाट आउनेहरूका लागि छुट्टाछुट्टै क्‍वारेन्टाइन निर्माण गर्न लागेको हो। <em><strong>रासस</strong></em></p>
प्रतिक्रिया दिनुहोस्
.jpg)
