भक्तपुरकी संक्रमित महिला निर्वाचित वडा सदस्य
<p>काठमाडौं। भक्तपुरमा हिजो संक्रमण पुष्‍टि भएकी ४२ वर्षीया महिला निर्वाचित जनप्रतिनिधि रहेको खुलेको छ।</p>
<p>स्वास्थ्य तथा जनसंख्या मन्त्रालयले हिजो राति अद्यावधिक गरेको विवरणमा संक्रमण देखिएकी भक्तपुर ९ की ४२ वर्षीया महिला उक्त वडाकै निर्वाचित महिला सदस्य रहेको खुलेको हो। </p>
<p>महानगरीय प्रहरी परिसर भक्तपुरका प्रमुख एसपी सबिन प्रधानले उनलाई हिजो नै उपचारका लागि अस्पताल लगिएको जानकारी दिए।</p>
<p>“उहाँ निर्वाचित जनप्रतिनिधिसहित स्वास्थ्य स्वयंसेविका पनि हुनुहुन्छ,” उनले भने, “हामीले कन्ट्याक्ट ट्रेसिङको काम शुरु गरिसकेका छौं।”</p>
<p>संक्रमित महिलालाई ललितपुरस्थित पाटन अस्पतालको आइसोलेसनमा उपचारका लागि भर्ना गरिसकिएको छ। प्रहरी उपरीक्षक प्रधानका अनुसार महिला बस्‍ने घर सिल गरेर सतर्कता अपनाइएको छ। </p>
<p>उनी नगर क्षेत्रमा सकृय महिला भएकाले नगरपालिका र प्रहरी, प्रशासनले सतर्कतापूर्वक कन्ट्याक्ट ट्रेसिङ गरिरहेका छन्।</p>
प्रतिक्रिया दिनुहोस्
.jpg)
