ब्राजिल बन्यो कोभिड-१९ को दोस्रो ठूलो हटस्पट
<p>ब्रासिलिया। दक्षिण अमेरिकी मुलुक ब्राजिल कोभिड-१९ को दोस्रो ठूलो हटस्पट बनेको छ।</p>
<p>बिरामीको संख्याका आधारमा ब्राजिल रुसलाई उछिन्दै दोस्रो स्थानमा पुगेको हो।</p>
<p>हिजो मध्यरातसम्मको तथ्यांकअनुसार ब्राजिलमा तीन लाख ३० हजार आठ सय ९० जनामा कोरोना भाइरसको संक्रमण देखिएको छ।</p>
<p>स्वास्थ्य मन्त्रालयका अनुसार पछिल्लो २४ घण्टामा ब्राजिलमा एक हजार एक जनाले कोभिड-१९ बाट ज्यान गुमाए। अलजजिराका अनुसार त्यससँगै मृतकको संख्या २१ हजार चार सय आठ पुगेको छ।</p>
<p>ब्राजिलको आर्थिक केन्द्र साओ पाउलो सबैभन्दा बढी प्रभावित भएको छ। साओ पाउलो नजिकको चिहान क्षेत्रमा शव व्यवस्थापन भइरहेको दारुण दृश्य यतिबेला सामाजिक सञ्‍जालमा भाइरल बनेको छ।</p>
प्रतिक्रिया दिनुहोस्
.jpg)
