जहाँ कोरोना संक्रमित आमाले जन्म दिए सयभन्दा बढी शिशुलाई
<p>मुम्बई। भारत मुम्बईको लोकमान्य तिलक म्युनिसिपल जनरल अस्पताल। मुम्बई महानगरमा बस्‍ने गरिब परिवारको उपचार केन्द्र हो, यो सरकारी अस्पताल। कोरोना भाइरसको संक्रमण फैलिएयता यस अस्पतालमा संक्रमित आमाहरूले नै सयभन्दा बढी शिशुलाई जन्म दिएका छन्।</p>
<p>हालसम्म कोरोना संक्रमित आमाबाट जन्मेका एक सय २४ जना शिशुमध्ये तीनजनामा शुरुमा कोभिड-१९ पोजिटिभ देखिएको थियो। तर, अर्को रिपोर्ट नेगेटिभ आयो। दुई संक्रमित महिलाले शिशु जन्मिनुअघि नै ज्यान गुमाए।</p>
<p style="text-align:center"><img alt="" height="638" src="https://www.dekhapadhi.com/storage/photos/shares/Health/Lokmanya Tilak hospital Mumbai.png" width="850" /></p>
<p>संक्रमित महिलामध्ये आधाभन्दा बढीले शल्यक्रियामार्फत शिशुलाई जन्म दिएका छन्। नवजात शिशुमध्ये ६५ बालक र ५९ बालिका छन्।</p>
<p>गर्भवतीहरूका लागि अस्पतालमा ४० वटा अलग्गै विशेष शय्या तयार पारिएको छ। ६५ जना चिकित्सक र २४ जना नर्सलाई उनीहरूको उपचारमा खटाइएको छ।</p>
<p>कोरोना भाइरसको संक्रमण बढ्ने क्रमसँगै गर्भवतीका लागि ३४ वटा थप शय्या तयार पार्दैछ, अस्पतालले। तीनवटा अपरेसन थिएटर गर्भवतीका लागि छुट्याइएको छ।</p>
<p>डेलिभरीका दौरान चिकित्सक र नर्सले पीपीई पहिरिन्छन्। “अधिकांश गर्भवतीमा संक्रमणको लक्षण देखिएको थिएन,” अस्पतालको प्रसुती विभाग प्रमुख डा. अरुण नायक भन्छन्, “केहीलाई ज्वरो आएको थियो, केहीलाई सास फेर्न समस्या भइरहेको थियो। डेलिभरी र थप उपचारपछि उनीहरू घर फिरेका छन्।”</p>
<p>उनीहरूलाई हाइड्रोक्सिक्लारोक्‍वाइन दिइएको थियो। एक साता विशेष वार्डमा राखेर उपचार गरिएको थियो। त्यसपछि एक क्‍वारेन्टाइन सेन्टरमा राखियो। आमा र बच्चालाई अलग गरिएन। आमाहरूले आफ्ना शिशुलाई मास्क पहिरिएर दूध पिलाउँथे।</p>
प्रतिक्रिया दिनुहोस्
.jpg)
