भारतबाट उद्धार गरिएका नेपालीलाई निःशुल्क खाना
<p>कैलाली। भारतबाट उद्धार गरी नवदुर्गा मावि भन्सार रोडस्थित क्वारेन्टाइनमा रहेका नेपालीहरूका लागि धनगढीको एउटा संस्थाले खानाको जिम्मा लिएको छ।</p>
<p>रोयल कोलाबोरेटिभ्स प्रालि नामक सामाजिक संस्थाले आज क्वारेन्टाइनमा रहेका ५०० बढीलाई खाना खुवाएकाे हाे।</p>
<p>‘रोयल कोलाबोरेटिभ्स दानापानी’ अभियानअन्तर्गत खाना खुवाइएकाे साे संस्थाले जनाएकाे छ।</p>
<p>दैनिक ७०० जनालाई खाना खुवाउने प्रतिबद्धता गरेको प्रालि अध्यक्ष गजेन्द्र शाहीले बताए।</p>
<p>उनले धनगढीमै रहेको निसर्ग हस्पिटलले खाद्यान्नको व्यवस्थापन गरेको बताउँदै पकाउने र खुवाउने जिम्मेवारी आफूहरूले लिएको बताए।</p>
<p>अध्यक्ष शाहीका अनुसार यो अभियान निरन्तर चलिरहनेछ। यो अभियानमा जोडिन चाहने व्यक्ति र संस्थालाई सम्पर्क राख्न पनि उनले आग्रह गरे।</p>
प्रतिक्रिया दिनुहोस्
.jpg)
