एक थुनुवामा काेराेना संक्रमण देखिएपछि जिप्रका बैतडी ‘सिल’, थपियाे सुरक्षा चुनाैती
<p>कैलाली। एक थुनुवामा काेराेना संक्रमण भएकाे पुष्टि भएपछि जिल्ला प्रहरी कार्यालय बैतडी सिल गरिएकाे छ। यससँगै बैतडीमा सुरक्षा चुनाैती थपिएकाे छ।</p>
<p>बैतडी सदरमुकाममा अब वडा प्रहरी र नगर प्रहरीले सुरक्षा दिनेछन्।</p>
<p>आवश्यकता हेरी अन्यत्रबाट पनि थप प्रहरी प्ररिचालन गर्न सकिने सुदूरपश्चिम प्रदेश प्रहरी प्रमुख प्रहरी नायव महानिरीक्षक (डीआईजी) उत्तमराज सुवेदीले बताए।</p>
<p>जिल्ला प्रहरी कार्यालय बैतडीमा कार्यरत कोरोना संक्रमितको सम्पर्कमा आएकाहरू सबैको भोलि थ्रोट स्वाब संकलन गरिने बताइएको छ।</p>
<p>कोरोना संक्रमितलाई भने जिल्ला अस्पताल बैतडीको आइसोलेसनमा राखिएको सुवेदीकाे भनाइ छ।</p>
<p>शिवनाथ गाउँपालिका-१ का २२ वर्षीय युवकमा कोरोना पोजिटिभ देखिएको हो। उनलाई प्रहरीले १५ वैशाखमा कर्तव्य ज्यानको मुद्दामा पक्राउ गरी हिरासतमा राखेको थियो।</p>
<p>ती युवक ६ चैतमा भारतबाट नेपाल आएका थिए।</p>
प्रतिक्रिया दिनुहोस्
.jpg)
