.jpg)
सिरहामा राहतका विषयमा झडप, २० जना घाइते
<p>सिरहा। सिरहाको नरहा गाउँपालिका–१ मा राहतको विषयमा झडप हुँदा २० जना घाइते भएका छन्।</p>
<p>चारजनाको अवस्था गम्भीर भएकाले बीपी कोइराला स्वास्थ्य विज्ञान प्रतिष्ठान धरान पठाइएको जिल्ला प्रहरी कार्यालय सिराहाले जनाएको छ।</p>
<p>प्रहरीका अनुसार नरहा गाउँपालिका–१, देवीपुरका फौदार मण्डल, रामजीवन मण्डल, परमिला देवी कामती र रामचन्दर यादवलाई थप उपचारको लागि धरान पठाइएको हो।</p>
<p>वडा कार्यालयले ७०० जनालाई राहत वितरण गर्ने भनेर फारम भरे पनि ५१७ जनालाई मात्र राहत दिएको भन्दै विवाद भएको थियो।</p>
<p>प्रहरीका अनुसार झडपका क्रममा धारिलो हतियार, लाठीसमेत प्रहार भएको थियो।</p>
<p>वडाध्यक्ष अशोक यादवले भने, “धनी व्यक्तिहरूलाई राहत नदिएकाले विपक्षी पार्टीहरूले विरोध गरेर झडप गराए।”</p>
प्रतिक्रिया दिनुहोस्
.jpg)
