.png)
१०७ जना सवार पाकिस्तान एअरलाइन्सको विमान कराँचीमा दुर्घटना
<p>काठमाडौं। लाहोरबाट कराँचीका लागि उडेको पाकिस्तान इन्टरनेसनल एअरलाइन्सको जहाज कराँचीमा दुर्घटनामा परेको छ।</p>
<p>उड्ययन अधिकारीहरूलाई उद्धृत गर्दै <em>बीबीसी</em>ले पाकिस्तानको व्यापारिक राजधानीसमेत भनिने कराँची शहरमा भएको दुर्घटनामा परेको जहाजमा चालकदलका सदस्यसहित १०७ जना सवार रहेको समाचार प्रकाशन गरेको छ।</p>
<p>सामाजिक सञ्जालमा सेयर गरिएका तस्वीर र भिडिओहरूमा दुर्घटनास्थलमा कालो धुवाँ उडिरहेको देखिन्छ। उद्धारका लागि ‘इमर्जेन्सी सेवा’ दुर्घटनास्थल पुगिसकेको बताइएको छ।</p>
<p style="text-align:center"><img alt="" height="360" src="https://www.dekhapadhi.com/storage/photos/shares/International/pakistan air crash (2).png" width="600" /></p>
<p>लाहोरबाट उडेको पीके ८०३ नम्बरको कल साइनको उक्त जहाज स्थानीयसमयअनुसार दिउँसो साढे २ बजे अवतरण गर्ने ‘सेड्युल’ थियो। ‘यद्यपि उक्त जहाजसँग सम्पर्कविच्छेद भएको थियो,’ पाकिस्तान एअरलाइन्सका प्रवक्ता अब्दूल खानले सीएनएनसँग भनेका छन्।</p>
<p>पाकिस्तान सरकारले अहिलेसम्म दुर्घटनाका बारेमा औपचारिकरूपमा कुनै सूचना जारी गरेको छैन।</p>
<p>पाकिस्तानले कोरोना भाइरसको विस्तार रोक्नका लागि पहिले लगाएको लकडाउन खोल्ने निर्णय गरेपछि हवाई उडानको अनुमति दिएको थियो।</p>
<p>कराँची विमानस्थलमा अवतरण गर्ने तयारीमा रहेको विमान दुर्घटनामा भएको क्षतिको विवरण आउन बाँकी छ।</p>
<p> </p>
प्रतिक्रिया दिनुहोस्
.jpg)
