नेपालमा ५०७ पुगे कोरोना संक्रमित, थप २० जनामा संक्रमण पुष्टि
<p>काठमाडाैं। कैलाली, बाँके र मोरङमा गरेर थप २० जनामा कोरोना संक्रमण देखिएको छ।</p>
<p>सेती प्रादेशिक अस्पताल कैलालीमा परीक्षण गरिएका पाँचजना, बाँकेमा १४ जना र मोरङमा एकजनामा संक्रमण देखिएको हो।</p>
<p>योसहित संक्रमितको संख्या ५०७ पुगेको छ।</p>
<p>स्वास्थ्य तथा जनसंख्या मन्त्रालयका अनुसार सेती प्रादेशिक अस्पताल धनगढीमा भएको परीक्षणमा कैलालीको जानकी गाउँपालिकाका तीनजना, बैतडी र डडेल्धुराका एक/एक जनामा संक्रमण पुष्टि भएको हो।</p>
<p>जानकी गाउँपालिकाका १९, २३ र २६ वर्षीय पुरुषमा संक्रमित देखिउका छन्। उनीहरू तीनैजना सरस्वती माविको क्वारेन्टाइनमा थिए।</p>
<p>त्यस्तै डडेल्धुराको पर्शुराम नगरपालिकाका २८ वर्षीय पुरुष र बैतडीको शिवनाथ गाउँपालिका २२ वर्षीय पुरुष हुन्।</p>
<p>त्यस्तै भेरी अञ्चल अस्पताल बाँकेमा गरिएको परीक्षणमा बाँकेमा थप १४ जनामा संक्रमण देखिएको छ।</p>
<p>उनीहरूमध्ये १३ जना बाँकेको नरैनापुर गाउँपालिकाका हुन् भने एकजना राप्ती सोनारी गाउँपालिकाका हुन्। उनीहरू १८ देखि ६१ वर्षका पुरुष छन्।</p>
<p>मोरङको रतुवामाइका ४१ वर्षीय पुरुषमा पनि संक्रमण पुष्टि भएको मन्त्रालयले जनाएको छ।</p>
<p>सुदूरपश्चिमको बैतडी र डडेल्धुरामासमेत संक्रमण देखिएसँगै संक्रमित हुने जिल्ला ४० पुगेका छन्।</p>
<p>मन्त्रालयका अनुसार प्रदेश १ मा ८५, २ मा १५१, बागमतीमा २८, गण्डकीमा ५, प्रदेश ५ मा २२७, कर्णालीमा १ र सुदूरपश्चिममा १० जना संक्रमित पुष्टि भइसकेका छन्।</p>
प्रतिक्रिया दिनुहोस्
.jpg)
