पाकिस्तानको कराँचीमा विमान दुर्घटना
<p>काठमाडौं। लाहोरबाट कराँचीका लागि उडेको पाकिस्तान इन्टरनेसनल एअरलाइन्सको जहाज कराँचीमा दुर्घटनामा परेको छ।</p>
<p>उड्ययन अधिकारीहरूलाई उद्धृत गर्दै <em>बीबीसी</em>ले प्रकाशन गरेको समाचारमा ९० जना यात्रु बोकेको जहाज दुर्घटनामा परेको उल्लेख छ।</p>
<p>सामाजिक सञ्जालमा सेयर गरिएका तस्वीरहरूमा दुर्घटनास्थलमा धूवाँ उडिरहेको देखिन्छ। उद्धारका लागि ‘इमर्जेन्सी सेवा’ दुर्घटनास्थल पुगिसकेको बताइएको छ।</p>
<p>लाहोरबाट उडेको पीके ८०३ नम्बरको कल साइनको उक्त जहाज स्थानीय समयअनुसार दिउँसो साढे २ बजे अवतरण गर्ने ‘सेड्युल’ थियो।</p>
<p>‘यद्यपि उक्त जहाजसँग सम्पर्कविच्छेद भएको थियो’, पाकिस्तान एअरलाइन्सका प्रवक्ता अब्दूल खानले <em>सीएनएन</em>सँग भनेका छन्।</p>
प्रतिक्रिया दिनुहोस्
.jpg)
