दार्चुलाको छांगरुमा सशस्त्रको भवन निर्माणका लागि टेन्डर आह्वान
<p>काठमाडौं। सशस्त्र प्रहरीले दार्चुलाको छांगरुमा भरखरै स्थापना गरिएको बीओपीका लागि भवन बनाउन टेन्डर आह्वान गरेको छ।</p>
<p>एक सय ६० जनाको टोली रहने गरी सशस्त्रको गुल्म स्थापना गर्ने गृह मन्त्रालयको तयारी छ। </p>
<p>सशस्त्र प्रहरीले दार्चुलामा स्थापित पोस्टका लागि भवन बनाउन रु. ११ करोड छुट्याएको थियो। </p>
<p>सशस्त्रको गुल्ममातहत रहने गरी कालापानी नजिकैको कौवामा र चीनसँगको सिमा तिंकरमा थप दुईवटा सीमा सुरक्षा पोस्ट (बीओपी) स्थापना गर्ने तयारी गृह मन्त्रालयले अघि बढाएको छ। त्यसका लागि आवश्यक जग्गा लिने प्रक्रियासमेत अघि बढाइएको गृह स्रोतले जानकारी दिएको छ।</p>
<p>छांगरुमा केही दिनअघि प्रहरी निरीक्षक लिलीबहादुर चन्दको नेतृत्वमा २५ जनाको टोली रहने गरी बीओपी स्थापना गरिएको थियो।</p>
प्रतिक्रिया दिनुहोस्
.jpg)
