कपिलवस्तुका दुई पत्रकारमा कोरोना संक्रमण
<p>काठमाडौं। कपिलवस्तुमा आज संक्रमण पुष्टि भएका दुईजना पत्रकार रहेको खुलेको छ। </p>
<p>वाणगंगा नगरपालिका ८ का २४ वर्षीय र कपिलवस्तु नगरपालिका १ का २९ वर्षीय दुईजनामा संक्रमण देखिएको हो।</p>
<p>कपिलवस्तुका सहायक प्रमुख जिल्ला अधिकारी गणेश नेपालीले दुईजना पत्रकारमा पनि संक्रमण पुष्टि भएको जानकारी दिए। </p>
<p>स्वास्थ्य तथा जनसंख्या मन्त्रालयले आज बिहान अद्यावधिक गरेको विवरणअनुसार कपिलवस्तुमा नौ जनामा संक्रमण देखिएको छ।</p>
<p>अन्य सात जनामा वाणगंगा नगरपालिका ७ का २५, २७, ३४, ३६, ४५, ५३ वर्षीय पुरुषहरू तथा आठ वर्षीया बालिका छन् ।</p>
<p>आठ वर्षीया बालिका यसअघि त्रिवि शिक्षण अस्पतालमा उपचाररत रहेकी ६ वर्षीया बालिकाकी छिमेकी तथा साथी हुन्। </p>
प्रतिक्रिया दिनुहोस्
.jpg)
