मुक्तिदाता कि शक्तिशाली ? बिरामी नदेखिँदै सीमा बन्द गरिदिए एलसाल्भाडोरका राष्ट्रपतिले
<p>सान साल्भाडोर। एलसाल्भाडोरका राष्‍ट्रपति नयिब बकेलेले आफ्नो मुलुकलाई कोरोना भाइरसको संक्रमणबाट जोगाउन एकजना बिरामी नदेखिँदा पनि सीमा बन्द गरिदिएका छन्।</p>
<p>विश्‍वका कमै नेता हुन्छन्, जसको कि त आलोचना हुन्छ या प्रशंसा। तिनैमध्येमा छन्, अहिले बकेले। </p>
<p>सीएनएनका अनुसार एक वर्ष कम समयदेखि राष्‍ट्रपतिको पदभार सम्हालिरहेका उनले गत मार्चदेखि नै आफ्नो मुलुकको सिमाना पूर्ण रूपमा बन्द गरिदिएका छन्। यस सानो मध्य अमेरिकी मुलुकमा जुनसुकै बेला भाइरस संक्रमण फैलिन सक्ने तर्क उनले दिएका थिए।</p>
<p>साल्भाडोरका कतिपय नागरिकले उनको दूरदर्शी कदमको सराहना गर्दै आएका छन्। कतिपयले शक्तिशाली भएको घमण्डमा उनले देशको संविधानकै उल्लंघन गरेको आरोप पनि लगाएका छन्।</p>
<p>त्यसो नगर्न सर्वोच्च अदालत र नेशनल एसेम्ब्लीले दिएको निर्देशन पनि उनले अटेर गरेको उनीहरूको आरोप छ। ३८ वर्षीय बकेले धेरै नागरिकलाई चकित बनाउँदै राष्‍ट्रपतिको पदभार ग्रहण गरेका थिए। </p>
<p>सन् १९९२ यता उनी पहिलो त्यस्ता राष्‍ट्रपति हुन्, जो लामो समयदेखि सत्ताको खेलमा रहेका दुईवटा राजनीतिक दलका नेता होइनन्।</p>
प्रतिक्रिया दिनुहोस्
.jpg)
