म कोराना भाइरस नेगेटिभः ट्रम्प
<p>वासिङ्टन। अमेरिकी राष्‍ट्रपति डोनाल्ड ट्रम्पले आफूलाई कोरोना भाइरसको संक्रमण नदेखिएको जानकारी दिएका छन्। मिसिगनस्थित एक अटोमोटिभ प्लान्टको यात्रामा निस्किनुअघि ट्रम्पले पत्रकारहरूसँग बिहीबार कोरोना भाइरस परीक्षण गराउँदा नेगेटिभ आएको जानकारी दिए।</p>
<p>“मेरो भनाइको अर्थ हो, साह्रै सकारात्मक परीक्षण भएको छ। आज बिहान मैले नेगेटिभको लागि पोजिटिभ रूपमा परीक्षण गरें,” उनले भने।</p>
<p>राष्‍ट्रपति ट्रम्प एक फोर्ड फ्याक्ट्रीको भ्रमणमा निस्केका हुन्, जसले भेन्टिलेटर्स बनाइरहेको छ।</p>
<p>यस यात्राका दौरान ट्रम्पले मास्क पहिरिनु आवश्यक रहेको कम्पनीका प्रवक्ताले यस साताको शुरुवातमा बताएका थिए। जबदेखि कोरोना भाइरसको महामारी शुरु भयो, राष्‍ट्रपति ट्रम्पले मास्क लगाएको देखिएको छैन।</p>
<p>ह्वाइट हाउसका स्टाफमध्ये केहीमा कोरोना भाइरसको संक्रमण देखिएको छ। त्यसयता राष्‍ट्रपति ट्रम्प र उपराष्‍ट्रपति माइक पेन्स दुवैले दैनिक परीक्षण गराउँदै आएका छन्।</p>
प्रतिक्रिया दिनुहोस्
.jpg)
