दाङमा थप एकजनामा संक्रमण पुष्टि, संक्रमितको संख्या ४५४
<p style="text-align:justify">काठमाडौं। दाङमा एकजनामा कोरोना संक्रमण पुष्टि भएको छ।</p>
<p style="text-align:justify">घोराही उपमहानगरपालिका-३ का ३७ वर्षीय पुरुषमा संक्रमण देखिएको हो।</p>
<p style="text-align:justify">राप्ती स्वास्थ्य विज्ञान प्रतिष्ठानमा आज गरिएको नमूना परीक्षणमा संक्रमण पुष्टि भएको प्रतिष्ठानका डा. सागर पन्थीले <em><strong>देखापढी</strong></em>लाई बताए।</p>
<p style="text-align:justify">यो सँगै दाङका पाँचजनामा संक्रमण देखिएक छ। यसअघि भारतबाट आएका दाङकै गढवा गाउँपालिकाका दुईजनामा संक्रमण देखिएको थियो।</p>
<p style="text-align:justify">दाङका दुईजना संक्रमित भने काठमाडाैंमै छन्। उनीहरूको काठमाडाैंमा गरिएको परीक्षणमा काेभिड-१९ देखिएको थियो। </p>
<p style="text-align:justify">आज प्रतिष्ठानमा सल्यान, रोल्पा र दाङका ६९ नमूनाको परीक्षण गरिएकोमध्ये एकजनामा संक्रमण देखिएको हो।</p>
<p style="text-align:justify">योसँगै नेपालमा कोरोना संक्रमितको संख्या ४५४ पुगेको छ।</p>
<p style="text-align:justify">यसअघि <a href="https://www.dekhapadhi.com/news/13136" target="_blank"><span style="color:#c0392b;">आज बिहान १७ जना </span></a>र <a href="https://www.dekhapadhi.com/news/13172" target="_blank"><span style="color:#c0392b;">दिउँसो ९ जना</span></a> गरेर एकैदिन २६ जनामा संक्रमण भेटिएको थियो।</p>
<p style="text-align:justify">नेपालमा आजसम्म तीनजनाको कोरोना संक्रमणकै कारण मृत्यु भइसकेको छ भने ४९ जना बिरामी निको भएर घर फर्किसकेका छन्।</p>
.jpg)
