इन्जिनियर्स एसोसिएसनद्वारा टेकु अस्पताललाई स्वाब कलेक्सन बुथ सहयोग
<p>काठमाडौं। कोभिड-१९ परीक्षणको लागि नमूना संकलन गर्न शुक्रराज ट्रपिकल तथा सरुवा रोग अस्पताललाई नेपाल इन्जिनियर्स एसोसिएसन बागमती प्रदेशले स्वाब कलेक्सन बुथ सहयोग गरेको छ।</p>
<p>करीब एक लाख रूपैयाँको लागतमा निर्माण गरिएको उक्त बुथमा बिरामी र स्वास्थ्यकर्मीबीच संवाद गर्न माइकसमेत जडान गरिएको छ।</p>
<p>इन्जिनियर्स एसोसिएसन बागमती प्रदेशका अध्यक्ष नन्द बन्जाडेले कोभिड-१९ सँग अग्रपंक्तिमा रहेर काम गर्ने स्वास्थ्यकर्मीको जोखिम न्यूनिकरणका लागि इन्जिनियर्सहरुको समेत भूमिका होस भन्ने उद्देश्यले बुथ सहयोग गरिएको बताए।</p>
<p>विपदको अवस्थामा स्वास्थ्यकर्मीहरुको जोखिमलाई ध्यान दिई गरेको सहयोगले स्वास्थ्यकर्मीहरुको मनोबल उच्च बनाएको अस्पतालका निर्देशक डा. सागरकुमार राजभण्डारीले बताउनुभयो।</p>
<p>नेपाल इन्जिनियर्स एसोसिएसन बागमती प्रदेशले काठमाडौं, रामेछाप, काभ्रेपलान्चोक, सिन्धुपलाल्चोक, रसुवा, नुवाकोट, र धादिङमा गरी कूल १७ वटा स्वाब कलेक्सन बुथ निर्माण गरी सरकारी अस्पतालहरुलाई उपलब्ध गराएको छ।</p>
प्रतिक्रिया दिनुहोस्
.jpg)
