पछिल्लो २४ घण्टामा सात हजारको नमूना परीक्षण
<p>काठमाडौं। नेपालमा हालसम्म एकलाख १७ हजारभन्दा बढीको नमूना परीक्षण गरिएको छ।</p>
<p>स्वास्थ्य तथा जनसंख्या मन्त्रालयका अनुसार पीसीआर विधिबाट र आरडीटी किट विधिबाट गरेर एक लाख १७ हजार ४३१ जनाको कोभिड-१९ परीक्षण गरिएको हो।</p>
<p>मन्त्रालयका प्रवक्ता डा. विकास देवकोटाले पीसीआर विधिबाट ३८ हजार ७३६ जना र आरडीटी विधिबाट ७८ हजार ६९५ नमूना परीक्षण गरिएको जानकारी दिए।</p>
<p>मन्त्रालयका अनुसार पछिल्लो २४ घण्टामा मात्रै सात हजार ३६ नमूना परीक्षण भएका छन्।</p>
<p>त्यसमा तीन हजार ४१३ पीसीआर र तीन हजार ६२३ नमूना आरडीटी किट विधिबाट परीक्षण गरिएका हुन्।</p>
<p>आज सम्मको तथ्यांक अनुसार क्वारेन्टाइनमा रहेका व्यक्तिहरूको संख्या धेरै छ। सबैभन्दा धेरै प्रदेश ५ मा १४ हजार ७६० जना मानिसहरु क्वारेन्टाइनमा राखिएका छन्।</p>
<p>त्यस्तै प्रदेश १ मा एक हजार ३४९, २ मा ४ हजार ९६६, बागतीमा ५२८, गण्डकीमा ५९१, कर्णाली प्रदेशमा ७४१ र सुदूरपश्चिम प्रदेशमा दुई हजार ९५ जना छन्।</p>
<p>सातवटै प्रदेशमा २५ हजार ३० जना क्वारेन्टाइनमा रहेको स्वास्थ्य मन्त्रालयले जनाएको छ।</p>
<p>मोबाइल एप र वेभपेज मार्फत् स्वास्थ्यको स्वमूल्याकंन फारम भरेर स्वास्थ्यका बारेमा जानकारी लिने ४६ हजार ४२७ पुगेका छन्।</p>
<p>उनीहरूमध्ये ४३५ जनालाई 'रेडजोन' मा राखिएको छ। 'रेडजोन' मा राखिएकाहरु सम्भावित संक्रमित हुनसक्ने भन्दै उनीहरूको 'कन्ट्याक्ट ट्रेसिङ' को कामसमेत भइरहेको मन्त्रालयले जनाएको छ।</p>
प्रतिक्रिया दिनुहोस्
.jpg)
