नेपालमा कोभिड-१९ बाट तेस्रो व्यक्तिको मृत्यु
<p>काठमाडौं। नेपालमा कोभिड-१९ बाट तेस्रो व्यक्तिको मृत्यु भएको स्वास्थ्य तथा जनसंख्या मन्त्रालयले पुष्टि गरेको छ। </p>
<p>नियमित प्रेस ब्रिफिङमा मन्त्रालयका प्रवक्ता डा. विकास देवकाटोले रूपन्देहीको क्रिमसन अस्पतालको भेन्टिलेटरमा राखेर उपचार गराइरहेका संक्रमित बिरामीको मृत्यु भएको पुष्टि गरेका हुन्।</p>
<p>उनी गुल्मीको एक सरकारी विद्यालयका शिक्षक हुन्। </p>
<p>गुल्मीको मदाने गाउँपालिकाका ४१ वर्षीय पुरुष उच्च ज्वरो, रुघाखोकी लगायतका समस्या देखिएर गम्भीर बिरामी परेपछि १ जेठमा क्रिमसन अस्पताल पुर्‍याएका थिए। </p>
<p>उनको आज मृत्यु भएको हो। </p>
<p>यसअघि सिन्धुपाल्चोककी २९ वर्षीया महिला र बाँकेको नरैनापुर-५ का २५ वर्षीय युवकको कोरोना संक्रमणबाट मृत्यु भएको थियो।</p>
प्रतिक्रिया दिनुहोस्
.jpg)
