ताप्लेजुङमा झैझगडा मिलाएर फर्किंदै गर्दा असईको बाटोमै मृत्यु
<p>काठमाडौं । ताप्लेजुङको सिरिजंगा गाउँपालिका-६ स्थित प्रहरी चौकीका इन्चार्जको गाउँमा झैझगडा मिलाएर फर्किने क्रममा बाटोमै मृत्यु भएको छ। </p>
<p>छिमेकी गाउँमा स्थानीयवासीको झगडा मिलाउन गएका प्रहरी सहायक निरीक्षक (असई) बालकुमार राईको कार्यालयतर्फ फर्किने क्रममा मृत्यु भएको हो।</p>
<p>जिल्ला प्रहरी कार्यालय ताप्लेजुङका डीएसपी महेन्द्रकुमार श्रेष्‍ठले बाटोमा अचानक बेहोस भएको र लगत्तै मृत्यु भएको खबर आएको जानकारी दिए। </p>
<p>मृतक असईले बाटोमा हिँड्न असहज भएको र सास फेर्न गाह्रो भएको बताउँदै केहीबेर आराम गरेका थिए।्</p>
<p>“मृत्यु के कति कारणले भयो भन्‍ने यकिन भएको छैन,” डीएसपी श्रेष्‍ठले भने, “घटनास्थलमा प्रहरी टोली पुगेर अनुसन्धान गरिरहेको छ। पोष्‍टमार्टम गरेपछि कारण थाहा होला।” डीएसपी श्रेष्‍ठले आफू पनि घटनास्थलतर्फ गइरहेको बताए।</p>
प्रतिक्रिया दिनुहोस्
.jpg)
