नेपाली सैनिकको शव लिन श्री एअरलाइन्सको जहाज ट्युनिसियातर्फ
<p>काठमाडौं। ट्युनिसियामा निधन भएका एक नेपाली सैनिकको शव लिन श्री एअरलाइन्सको जहाज त्यसतर्फ गएको छ।</p>
<p>उनी संयुक्त राष्ट्रसंघीय शान्ति सेनामा खटिएका थिए । </p>
<p>श्री एअरलाइन्सको सीआरजे बम्बार्डियर जहाज आज बिहान ट्युनिसियातर्फ उडेको हो।</p>
<p>जहाज ओमानमा इन्धन भर्न अवतरण ल्याण्ड गर्नेछ । ट्युनिसिया पुग्‍न उक्त जहाजले भारत, पाकिस्तान, ओमान, साउदी अरेबिया, इजिप्ट र लिबियाको आकाश प्रयोग गर्नेछ। </p>
<p>उक्त जहाज ९ जेठ बिहान ९ बजे त्रिभुवन अन्तर्राष्ट्रिय विमानस्थलमा अवतरण गर्ने तालिका छ। </p>
<p>विदेशमा मृत्यु भएका नेपाली सैनिकको शव घरसम्मै पुर्‍याउने सबै खर्च संयुक्त राष्ट्र संघले बेहोर्छ। ट्युनिसियामा मृत्यु भएका सैनिकको शव ल्याउन पनि संयुक्त राष्ट्र संघको आग्रहमा नेपाली सेनाले श्री एअरलाइन्सको जहाज पठाएको हो।</p>
<p>यसअघि पनि श्री एअरलाइन्सको जहाजले २९ चैतमा सुडान पुगेर नेपाली सेनाका एक अधिकृतको शव पनि नेपाल ल्याएको थियो।</p>
प्रतिक्रिया दिनुहोस्
.jpg)
