धनकुटाका ३४ वर्षीय संक्रमित प्रहरी जवान भएको पुष्टि
<p>काठमाडौं। धनकुटामा थप एकजना प्रहरी जवानमा कोरोना संक्रमण पुष्टि भएको छ।</p>
<p>जिल्ला प्रहरी कार्यालय धनकुटामा कार्यरत ३४ वर्षीय ती जवानमा संक्रमण देखिएको हो। स्वास्थ्य तथा जनसंख्या मन्त्रालयले आज बिहान अद्यावधिक गरेको विवरणमा उल्लेखित ३४ वर्षीय पुरुष प्रहरी हुन्।</p>
<p>जिल्ला प्रहरी कार्यालय धनकुटाका प्रमुख डीएसपी सुदर्शनप्रसाद कोइरालाले अस्पतालमा कार्यरत ती प्रहरीमा संक्रमण भएको जानकारी दिए।</p>
<p>जिल्ला अस्पतालमा ड्युटी रहेका ती जवानलाई संक्रमण पुष्टि भएपछि उपचारका लागि कोशी अस्पताल विराटनगर पठाइसकिएको छ।</p>
<p>यसअघि ३४ वर्षीय युवकसँगै अस्पतालमा ड्युटीमा कार्यरत अर्का एकजना प्रहरी जवान पनि संक्रमणमा परेका थिए। </p>
<p>धनकुटा जिल्ला अस्पतालमै कार्यरत चारजना स्वास्थ्यकर्मी, एकजना स्वास्थ्यकर्मीको परिवारका सदस्य र दुईजना प्रहरी गरी धनकुटामा सातजनामा संक्रमण देखिएको छ।</p>
प्रतिक्रिया दिनुहोस्
.jpg)
