भेन्टिलेटर खरिदमा भ्रष्टाचार आरोपमा पक्राउ परे बोलिभियाका स्वास्थ्य मन्त्री
<p>सुक्रेई। दक्षिण अमेरिकी मुलुक बोलिभियाका स्वास्थ्य मन्त्री भेन्टिलेटर खरिदमा भ्रष्‍टाचार आरोपमा पक्राउ परेका छन्।</p>
<p>सीएनएनका अनुसार मन्त्री मार्सेलो नभजेस एक सय ७० वटा भेन्टिलेटर खरिद प्रकरणमा मुछिएका हुन्। </p>
<p>बोलिभियाका अन्तरिम राष्‍ट्रपति जिनाइन एनेजले ट्विटरमार्फत दिएको जानकारीअनुसार इन्टर-अमेरिकन बैंकबाट एक सय ७० वटा भेन्टिलेटर खरिदका लागि २० लाख डलर ऋण लिइएको थियो। स्पेनी कम्पनीसँग भेन्टिलेटर आयातको सम्झौता भएको थियो। </p>
<p>यस प्रकरणमा मन्त्री नभजेससहितका धेरै सरकारी अधिकारी पक्राउ परेका छन्। उनीहरू मुद्दा चलाउने तयारी भइरहेको छ। मन्त्री नभजेस पदबाट बर्खास्त भएका छन्।</p>
<p>अन्तरिम राष्‍ट्रपति एनेजले भ्रष्‍टाचार प्रकरणको गम्भिर छानविन गर्न निर्देशन दिएकी थिइन्। </p>
<p>इन्टर-अमेरिकन बैंकले पनि भेन्टिलेटर खरिदमा भएको अनियमितताबारे सचेत रहेको र तत्काल छानविन थाल्न आग्रह गरेको थियो। </p>
प्रतिक्रिया दिनुहोस्
.jpg)
