बंगालको खाडीमा विकास भएको चक्रवातको प्रभाव आजदेखि नेपालमा देखिन सक्ने, प्रदेश १ र २ मा सतर्कता अपनाउन आग्रह
<p>काठमाडौं। ३ जेठ साँझदेखि बंगालको खाडीमा विकास भएको अंपुन नामक चक्रवात उत्तर-उत्तर-पूर्व बढ्ने क्रममा अझ शक्तिशाली भइरहेको छ।</p>
<p>आज दिउँसोपछि पश्चिम बंगालको तटीय क्षेत्र हुँदै जमिनमा प्रवेश गर्ने क्रममा रहेको उक्त चक्रवातको प्रभाव नेपालमा पनि पर्न सक्ने देखिएको छ।</p>
<p>जल तथा मौसम विज्ञान विभागले आज एक विज्ञप्ति प्रकाशित गरी नेपालमा समेत यसको प्रभाव देखिन सक्ने बताएको छ। जसबाट प्रदेश १, प्रदेश २ तथा बागमती प्रदेशको मौसम आजदेखि तीन दिनसम्म प्रभावित हुने अनुमान गरिएको छ।</p>
<p>यी क्षेत्रका केही स्थानमा वर्षाको साथै उच्च हिमाली क्षेत्रमा हिमपातसमेत हुने सम्भावना रहेको र गण्डकी प्रदेश तथा प्रदेश ५ का केही जिल्लाहरूमा आंशिकदेखि सामान्य बदली रहने विभागले जनाएको छ।</p>
<p>प्रदेश १ को हिमाली तथा पहाडी जिल्लाहरूको एक-दुई स्थानका स-साना खोलानालाहरूमा आज रातिदेखि नै जलप्रवाह बढ्न सक्ने सम्भावना रहेको बताउँदै सतर्कता अपनाउन भनिएको छ।</p>
<p>प्रदेश १ को तराईका जिल्लाहरू र प्रदेश २ को सप्तरी, सिराहाका स-साना खोलाहरूमा तथा कन्काई, कोशी र यी नदीहरूका सहायक खोलाहरूमा जलसतह बढ्ने, तर सतर्कता तहभन्दा मुनि रहने सम्भावना रहेको विभागले जनाएको छ।</p>
<p style="text-align:center"><img alt="" height="806" src="https://www.dekhapadhi.com/storage/photos/shares/weather/photo.jpg" width="650" /></p>
<p> </p>
प्रतिक्रिया दिनुहोस्
.jpg)
