न्युयर अझै एक वर्ष बायर्नमे रहने
<p>काठमाडौं। जर्मनीका गोलकिपर म्यानुयल न्युयरले बायर्न म्युनिखसँगको सम्झाैता थप एक वर्षका लागि नवीकरण गरेका छन्। अब उनी २०२३ जुनसम्म बायर्नमै रहनेछन्।</p>
<p>अर्को सिजनबाट क्लबले साल्केका एलेक्डेन्डर नुबेललाई ल्याउने सम्झाैता गरेपछि ३४ वर्षे बायर्नका कप्तान न्युयर र बायर्नबीच पटक-पटक नयाँ सम्झाैताका लागि छलफल भएको थियो। तर, क्लबले उनको स्थान सुरक्षित रहने आश्वस्त पारेपछि सम्झाैता नवीकरण गरिएको थियो।</p>
<p>बायर्नले जनवरीमा साल्केका गोलकिपर २३ वर्षे नुबेललाई १ जुलाईबाट पाँच वर्षका लागि सम्झाैता गर्ने घोषणा गरेको थियो।</p>
<p>‘‘म न्युयरको वर्तमान अवस्थालाई राम्रोसँग बुझ्न सक्छु’’, बायर्नका पूर्व गोलकिपर तथा बोर्डका सदस्य ओलिभर कानले भने, ‘‘करिअरको यो अवस्थामा न्युयर के चाहन्छन् र उनलाई के महत्त्वपूर्ण हुन्छ भन्ने हामीले बुझेका छौं।’’</p>
<p>न्युयरले २०१४ मा जर्मनीबाट विश्वकपको उपाधि जितेका थिए। उनी २०११ मा साल्केबाट बायर्नमा अनुबन्ध भएका थिए।</p>
<p>उनी चार पटकसम्म विश्वको उत्कृष्ट गोलकिपर घोषित भएका थिए। उनले बायर्नबाट सात बुन्डेसलिगा, पाँच जर्मन कप र २०१३ मा च्याम्पियन्स लिगको उपाधि जितेका थिए।</p>
प्रतिक्रिया दिनुहोस्
.jpg)
