भलिबल दिवसमा औपचारिक कार्यक्रम नहुने
<p>काठमाडौं। काेभिड-१९ का कारण यस वर्ष भलिबल दिवसमा कुनै औपचारिक कार्यक्रम नहुने भएको छ। भलिबल नेपालको राष्ट्रिय खेल हो।</p>
<p>सरकारले राष्ट्रिय खेल घोषणा गरेको दिनलाई नेपाल भलिबल संघले भलिबल दिवस मनाउँदै आएको थियो।</p>
<p>सरकारले ८ जेठ २०७४ मा भलिबललाई नेपालको राष्ट्रिय खेल घोषणा गरेको थियो। त्यसयता भलिबल संघले ८ जेठमा विभिन्न कार्यक्रम गरी मनाउँदै आएको छ। </p>
<p>भलिबलले राष्ट्रिय खेलको मान्यता पाएको भोलि, ८ जेठमा तीन वर्ष पूरा हुँदैछ। कोभिड-१९ महामारीका कारण देश लकडाउनको अवस्थामा छ।</p>
<p>११ चैत २०७६ बाट शुरू लकडाउन २० जेठसम्म जारी रहनेछ। त्यसकारण यस वर्ष कुनै पनि औपचारिक कार्यक्रम नहुने भलिबल संघले जनाएको छ।</p>
<p>यसअघि कोभिड-१९ महामारीकै कारण भलिबल संघले गर्ने एनभीए राष्ट्रिय पुरुष महिला क्लब भलिबल लिग अनिश्चितकालका लागि स्थगित भएको थियो।</p>
<p>कोरोना संक्रमणको जोखिम बढेपछि सरकारले ४ चैतबाट कुनै पनि खेलकुद गतिविधि नगर्न निर्देशन दिएको थियो।</p>
प्रतिक्रिया दिनुहोस्
.jpg)
