टोटेनह्यामका रक्षक आउरिउरद्वारा तेस्रोपटक सामाजिक दूरीकाे नियम उल्लंघन, क्लबले छानबिन गर्ने
<p>काठमाडौं। टोटेनह्यामका ‘राइट ब्याक’ सर्ज आउरिउरले तेस्रोपटक सामाजिक दूरीको नियम उल्लंघन गरेपछि क्लबले उनीमाथि छानबिन गर्ने भएको छ।</p>
<p>२७ वर्षे आउरिउरले कपाल काटेपछि आफ्नो हजामसँग खिचेको फोटो सामाजिक सञ्जालमा राखेका थिए।</p>
<p>इङ्ल्यान्डमा कपाल काट्ने सैलुनहरू चाँडोमा ४ जुलाईबाट खुल्ने बताइएको छ। र, त्यहाँ कोही घरमा पाहुना हुन पाउने छैन।</p>
<p>इङ्लिस प्रिमियर लिगको क्लब टोटेनह्यामले परिस्थितिको अनुसन्धान गरिरहेको र उक्त घटनाबारे उचित निर्णय लिने जनाएको छ।</p>
<p>हिजाे प्रशिक्षणमा फर्किने टोटेनह्यामका खेलाडीहरूमध्ये आउरिउर पनि एक थिए।</p>
<p>आइभोरी कोष्टका रक्षक आउरिउरले यसअघि पनि लकडाउनको समयमा साथीहरूसँग दौडिरहेको भिडिओ सामाजिक सञ्जालमा पोष्ट गरेका थिए।</p>
<p>त्यसअघि उनी र टीमका साथी मोउसा सिसोकोसँग सँगै ट्रेनिङ गरेको भिडिओ राखेका थिए। उनले दुवै घटनामा माफी मागेका थिए।</p>
<p>यसअघि म्यानचेस्टर सिटीका रक्षक केली वाल्कर, एभर्टनका स्ट्राइकर मोइसे केन, एस्टन भिल्लाका कप्तान ज्याक ग्रालिसलगायतका खेलाडी पनि सामाजिक दूरीको नियम उल्लंघन गरेका थिए।</p>
प्रतिक्रिया दिनुहोस्
.jpg)
