भारतमा अलपत्र नेपालीलाई कोरोना परीक्षणबिनै भित्र्याइँदैछ
<p>कैलाली। कोरोना परीक्षण नगरेरै भारतबाट आएका नेपालीलाई नेपाल प्रवेश गराइँदैछ।</p>
<p>भारतका विभिन्न स्थानबाट पलिया हुँदै गौरीफन्टा आइपुगेका एक हजार बढी नेपाली आज साँझ धनगढी भित्रिने छन्।</p>
<p>स्थानीय तह र प्रदेश सरकारका बीचमा समन्वय तथा पूर्वतयारी नहुँदा हजारौं नेपाली कोरोना परीक्षणबिनै नेपाल भित्रिँदैछन्।</p>
<p>उनीहरूलाई नाकाबाटै सम्बन्धित स्थानीय तहमा पठाइने भनिए पनि त्यसका लागि बसको व्यवस्थापन हुन सकेको छैन।</p>
<p><img alt="" height="720" src="https://www.dekhapadhi.com/storage/photos/shares/COVID-19/kailali_nepali_vitraidai2.jpg" width="960" /></p>
<p>उनीहरू भोकभोकै छन्। उनीहरूले खाना र पानीसमेत नपाएकाे गुनासाे गरेका छन्।</p>
<p>र्‍यापिड टेष्ट बिना नै उनीहरूलाई भित्र्याइन थालेपछि कोरोना संक्रमण फैलिने जोखिम बढेको छ।</p>
<p>भारतबाट हजारौँको संख्यामा नेपालीहरू आउने कुराको जानकारी हुँदाहुँदै पनि प्रदेश सरकार र स्थानीय तहले त्यसको व्यवस्थापनका लागि भने कुनै तयारी नगर्दा यस्ताे समस्या सिर्जना भएकाे जिल्ला प्रशासन कार्यालय कैलालीका प्रवक्ता शिवराज जोशीले बताए।</p>
प्रतिक्रिया दिनुहोस्
.jpg)
