.jpg)
ललितपुरका सबै स्थानीय तहमा कोभिड-१९ परीक्षण
<p>ललितपुर। काठमाडौं उपत्यकामा कोरोना संक्रमित व्यक्ति भेटिन थालेसँगै लालितपुरका ६ वटै स्थानीय तहमा कोरोना भाइरसको परीक्षण शुरू गरिएकाे छ।</p>
<p>स्थानीय तहले स्वास्थ्य, सरसफाइ, सुरक्षा तथा राहत वितरणमा खटिएका कर्मचारी, जनप्रतिनिधि, चालक, सहचालक, सञ्चारकर्मीलगायतको परीक्षण गरिरहेका छन्।</p>
<p>यो एक महीनाभित्र संक्रमण फैलिएका जिल्लाबाट आएका नागरिकको समेत परीक्षण भइरहेको छ।</p>
<p>ललितपुर महानगरपालिकाले महानगरपालिका कम्पलेक्स, लगनखेलचोक र हरिसिद्धिमा परीक्षण गरिसकेकाे छ।</p>
<p>कतिपयको पीसीआर त कतिपयको आरडीटी विधिबाट परीक्षण गरिएको महानगरले जनाएको छ।</p>
<p>त्यस्तै गोदावरी नगरपालिका,महालक्ष्मी नगरपालिकाले पनि काेभिड-१९ परीक्षण गरिरहेका छन्।</p>
<p>जिल्लाको दुर्गम क्षेत्रमा पर्ने तीन गाउँपालिका महाँकाल, कोञ्ज्योसोम र वाग्मती गाउँपालिकाले पनि काेराेना परीक्षणलाई अगाडि बढाएका छन्। <em>रासस</em></p>
प्रतिक्रिया दिनुहोस्
.jpg)
