प्रेस कार्ड देखाएर चोरी गर्ने दुई पक्राउ
<p>काठमाडौं। प्रहरीले लकडाउनको समयमा काठमाडौंका विभिन्‍न स्थानबाट चोरी गर्ने दुईजनालाई पक्राउ गरेको छ। </p>
<p>लकडाउनको मौका छोपेर चोरीका घटना बढेपछि प्रहरीले निगरानी थालेको थियो। </p>
<p>महानगरीय अपराध महाशाखा तथा महानगरीय प्रहरी वृत्त गौशालाबाट चोरी तथा लुटपाट घटना नियन्त्रण गर्न संयुक्त रूपमा खटिएको टोलीले चाबहिल भत्केको पुलबाट उनीहरूलाई पक्राउ गरेको हो।</p>
<p>सीसीटीभी फुटेजको आधारमा मोटरसाइकल पहिचान भएपछि प्रहरीले नियन्त्रणमा लिएको हो।</p>
<p>प्रहरीबाट उम्कन उनीहरूले एपीवान टेलिभिजनबाट जारी भएको प्रेस कार्ड देखाएर पत्रकार भएको बताएका थिए। प्रहरीले शंका लागेर जाँच गर्ने क्रममा उनीहरूको साथमा चोरी भएका ल्यापटप, क्यामेरालगायत सामग्री फेला परेका थिए। </p>
<p>चोरी गर्ने युवकले एपीवान टेलिभिजनबाट अर्कै व्यक्तिको नाममा जारी भएको प्रेस पास आफ्नै भनेर पत्रकार भनी प्रहरीबाट उम्किन खोजेको देखिएको छ। </p>
<p>प्रहरीले पक्राउ परेका दुवैको साथबाट ५३ हजार रुपैयाँ नगद, तीन सय अमेरिकन डलर र दुई सय युआनसहित धारिलो हतियार पनि बरामद गरेको छ। </p>
<p>पक्राउ पर्नेमा सुनसरी घर भई काठमाडौं धुम्बाराही बस्‍ने २१ वर्षीय आश्रय रिजाल हिमाल भनिने हिमाल रसाइली र बारा घर भई हाल ओमबहाल काठमाडौं बस्‍ने २८ वर्षीय अली आलम मिया छन्। दुवैलाई महानगरीय प्रहरी वृत्त गौशालाको हिरासतमा राखेर थप अनुसन्धान भइरहेको छ।</p>
प्रतिक्रिया दिनुहोस्
.jpg)
