कोभिड-१९ महामारीः जोखिममा क्यान्सरका बिरामी
<p>लन्डन। शल्यक्रिया र उपचार स्थगित हुँदा क्यान्सरका बिरामी समस्यामा परेको एक अध्ययनले देखाएको छ।</p>
<p>कोभिड-१९ महामारी नियन्त्रणमा लिने व्यस्तताका बीच समयमा उपचार नपाउँदा क्यान्सरका बिरामीले असमयमै ज्यान गुमाउनुपर्ने अवस्था सिर्जना भएको अध्ययनको निष्कर्ष छ।</p>
<p>त्यसका कारण क्यान्सरका बिरामी उपचार नै हुन नसक्ने अवस्थामा पुग्‍ने अध्ययनले औंल्याएको छ। र, हजारौं क्यान्सर रोगीले असमयमै ज्यान गुमाउनुपर्ने अवस्था आउने अध्ययन प्रतिवेदनमा उल्लेख छ।</p>
<p>कोभिड-१९ को महामारीविरुद्ध जुटेका अस्पतालहरूले क्यान्सरको उपचार सेवा बन्द गरेका छन्।</p>
<p>कोभिड-१९ को महामारीको भयानक अप्रत्यक्ष असर देखिन थालेको बेलायतस्थित इन्स्टिच्युट अफ क्यान्सर रिसर्च (आईसीआर)को अध्ययन प्रतिवेदनमा उल्लेख छ।</p>
<p>खासगरी, ट्युमरको शल्यक्रियामा ढिलाइ हुँदा क्यान्सर निको नै नहुने स्टेजमा प्रवेश गर्ने अध्ययनमा संलग्‍न स्वास्थ्यकर्मीको भनाइ छ। “कोभिड-१९ को संकटले राष्ट्रिय स्वास्थ्य सेवामा गम्भीर दबाब सिर्जना गरेको छ,” क्यान्सर जिनोमिक्सका प्राध्यापक क्लेयर टर्नबुलले भने, “क्यान्सर रोगीको शल्यक्रियालगायत उपचारमा गम्भीर समस्या देखिइसकेको छ।”</p>
प्रतिक्रिया दिनुहोस्
.jpg)
