कोभिड-१९ पुष्टि भएको २३ घण्टापछि आइसोलेसनमा
<p>दैलेख। कोरोना संक्रमण पुष्‍टि भएको २३ घण्टापछि यहाँका युवाको उपचार शुरू गरिएको छ।</p>
<p>कर्णाली प्रदेशका पहिलो संक्रमित ती युवालाई सुर्खेत लैजाने वा दैलेखको आइसोलेसनमा राख्ने भन्ने विषयमा अन्यौल हुँदा अस्पताल भर्नामा ढिलाइ भएको थियो।</p>
<p>स्वास्थ्य अवस्था समान्य भएका कारण नारायण नगरपालिका दैलेखको सरस्वती मावि तर्तागङ्मा निर्माण गरिएको आइसोलेसनमा राख्ने तयारीसँगै जिल्ला स्वास्थ्य कार्यालय दैलेख र सुरक्षा निकायको टोली हिजो दैलेखबाट आठबीस नगरपालिका हिँडेको थियो।</p>
<p>स्वास्थ्य कार्यालय दैलेखले ३ जेठमा ३९ जनाको स्वाब संकलन गरी परीक्षणका लागि पठाएको थियो।</p>
<p>कोभिड-१९ का बिरामी भेटिएसँगै आठबीस नगरपालिकामा उच्च सतर्कता अपनाइएको नगरप्रमुख खड्गराज उपाध्यायले बताए ।</p>
<p>सहायक प्रमुख जिल्ला अधिकारी इन्द्रबहादुर क्षेत्रीका अनुसार छिमेकी मुलुक भारतबाट दैनिक जिल्लामा भित्रिने नागरिकको सङ्ख्या बढ्दै गएपछि सुरक्षा सतर्कता बढाइएको छ। <em>रासस</em></p>
प्रतिक्रिया दिनुहोस्
.jpg)
