सिन कन्लीः जसले ट्रम्पलाई हाइड्रोक्सिक्लोरोक्वाइन लिन सहमति दिए
<p>वासिङ्टन । कोभिड-१९ को महामारीबाट बच्न अमेरिकी राष्‍ट्रपति डोनाल्ड ट्रम्पलाई मलेरियाविरुद्धको औषधि हाइड्रोक्सिक्लोरोक्‍वाइन लिन सहमति दिने चिकित्सक हुन्, सिन कन्ली ।</p>
<p>अमेरिकी जलसेनाका अवकाशप्राप्त उनी अस्टियोप्याथिक मेडिसिन विज्ञ हुन् । कोभिड-१९ विरुद्ध उपयोग गर्न सकिने-नसकिने प्रामाणिक आधार नभएको हाइड्रोक्सिक्लोरोक्‍वाइन लिन ट्रम्पलाई उनले नै सहमति दिएका हुन् ।</p>
<p>कन्ली पेन्सिलभेनियाका स्थायी बासिन्दा हुन् । र, सन् २००६ मा फिलाडेल्फिया कलेज अफ अस्टियोप्याथिक मेडिसिनमा उनले दीक्षित भएका थिए । त्यसलगत्तै भर्जिनियास्थित जलसेनाको आधार शिविरमा मेडिकल रेसिडेन्सी बने ।</p>
<p>त्यसपछि उनी अफगानिस्तानस्थित नेटो आधार शिविरको ट्रमा एकाइमा परिचालित भए ।</p>
<p>ह्वाइटहाउसमा प्रायः अमेरिकी सेनाका चिकित्सकलाई स्टाफ बनाउने गरिन्छ । र, रोनी ज्याक्सनले ह्वाइटहाउस छाडेपछि कन्लीले उनको रिक्तता पूरा गरे । </p>
<p>अमेरिकी कंग्रेसले सन् १९२८ मा राष्‍ट्रपतिका निजी चिकित्सकको पद सिर्जना गरेको थियो । मे २०१८ मा राष्‍ट्रपति ट्रम्पका निजी चिकित्सक बनेका हुन्, कन्ली ।</p>
<p>राष्‍ट्रपति ट्रम्पले हाइड्रोक्सिक्लोरोक्‍वाइनलाई कोभिड-१९ को औषधिका रूपमा अथ्र्याउँदै आएका छन् । र, कुनै क्लिनिकल परीक्षणबिना नै ट्रम्पले यो औषधि लिन थालेका छन् । जबकि, फुड एन्ड ड्रग एडमिनिस्ट्रेसनले नै यो उक्त औषधिले मुटुमा समस्या पार्ने बताउँदै प्रयोग नगर्न चेतावनी दिएको छ ।</p>
<p>त्यसका बावजुद ट्रम्पले बिनापरीक्षण नै हाइड्रोक्सिक्लोरोक्‍वाइन लिन थाले । र, उनको प्रतिरक्षा गर्दै कन्लीले भन्‍नुपर्‍यो- हाइड्रोक्सिक्लोरोक्‍वाइन लिँदा सम्भावित जोखिमबाट बच्‍न उहाँलाई सहज भयो । उनले राष्‍ट्रपति ट्रम्पको स्वास्थ्य अवस्था राम्रो रहेको बताएका छन् ।</p>
प्रतिक्रिया दिनुहोस्
.jpg)
